«Fýkýsıma-1» AES-niń irgesindegi teńiz sýynda radıatsııa kórsetkishi shamadan 100 esege asyp tur

dep habarlaıdy RBK agenttigi. Tirkelgen maksımaldyq kórsetkish - 1 myń eseni shamalaıdy, dep málim etti stansa operatory - Tokyo Electric Power (TEPCO) kompanııasy.

20-30 metr tereńdikten alynǵan topyraq synamalaryn zertteýdiń nátıjesinde osyndaı derekter alynyp otyr. Mamandardyń pikirinshe, stansadan radıaktıvti sýdyń aǵýyna baılanysty teńizdegi radıatsııanyń deńgeıi kóterilip bara jatyr.

"19 sáýirde stansada radıoaktıvti sýdy sorý jumystary bastalǵan bolatyn. Jumystar ekinshi energobloktyń týrbına zalynyń jerasty qabatynda júrgizilýde. Sondaı-aq drenaj júıesiniń týnnelderi de sýdan tazartylýda", - dep habarlady Kyodo aqparat agenttigi.

Kompanııa mamandarynyń aıtýynsha, bul jumystardyń aıaqtalýyna áli bir aıǵa jýyq ýaqyt kerek.