«Fýkýsıma-1» AES-iniń syrtyndaǵy topyraqtan alǵash ret plýtonıı bólshekteri anyqtaldy
ASTANA. 6 maýsym. QazAqparat - «Fýkýsıma-1» atom-elektr stansasynyń problemalyq reaktorlarynan shyqqan plýtonııdiń bólshekteri alǵash ret stansanyń syrtyndaǵy topyraqtan anyqtalyp otyr.
Japonııanyń Kanadzava ýnıversıtetiniń mamandary stansanyń bas qaqpasynan shamamen 1,7 shaqyrym jerdegi Okýma eldi mekeniniń topyraǵynan radıoaktıvti ızotoptardyń quramyn anyqtady", - dep habarlaıdy ITAR-TASS agenttigi.
Buǵan deıin Japonııanyń Ǵylym jáne tehnologııalar mınıstrligi «Fýkýsıma-1» stansasynyń aýmaǵynan tys jerdegi topyraqtan plýtonııdiń izderi tabylǵanyn habarlaǵan bolatyn, biraq anyqtalǵan bólshekterdiń mólsheri shamaly bolǵandyqtan, sarapshylar ony burynǵy ıadrolyq synaqtardan qalǵan belgileri dep túsindirgen edi. Kanadzava ýnıversıtetiniń ǵalymdary sol ızotoptardy zertteı kele, olardyń zardap shekken atom stansasynyń reaktorlarynan shyqqanyn anyqtap otyr.
Sarapshylar plýtonııdiń anyqtalyp otyrǵan mólsheriniń adamdardyń densaýlyǵyna zııany joq dep sanaıdy
