Fýkýsıma-1 AES-indegi apattyń áserinen jándikter mýtatsııaǵa ushyraǵan
ASTANA. 15 tamyz. QazAqparat - Fýkýsıma-1 atom elektr stantsııasynda bolǵan apattyń qorshaǵan ortaǵa tıigizgen alǵashqy áserin japon ýnıversıtetiniń ǵalymdary zertteı bastady.
Qazirde radıatsııalyq zalal taraǵan aımaqty mekendeıtin keıbir jándikterdiń mýtatsııaǵa ushyraǵandyǵy anyqtalǵan. Bul týraly BAQ.KZ habarlaıdy.
Bulaı deıtinimiz, kógildir tústi Pseudozizeeria maha-kóbeleginiń denesiniń qurylymynan kózge kóriner ózgerister paıda bolǵan. Bul jándiktiń aldyńǵy qanattarynyń kólemi kishireıip, tústeri ózgere bastaǵan. Buǵan qosa, keıbiriniń kózderi men aıaq-qoldarynyń burynǵyǵa qaraǵanda pishinderi ózgergen. Zertteýshilerdiń aıtýynsha, bul belgiler endi olardyń urpaqtarynan da bilinýi múmkin.
Ǵalymdardyń baıandamasynda kórsetilgendeı , apattan keıin atmosferaǵa ótken jasandy radıonýklıdter bul jándikterdiń genetıkasyna áser etken.
Endi zertteýshiler radıoaktıvti qaldyqtar taraǵan aımaqtyń basqa da janýarlarynyń mýtatsııasyn zerttemek. Bul, apattan kelgen zardapty baǵaýlaýǵa negiz bola otyryp, AES-qa jaqyn jerde áli de ómir súrip jatqan halyqqa, qanshalyqty zııandy ekendigin anyqtaýǵa múmkindik beredi.
Zertteýshilerdiń ózgeriske ushyraǵan janýarlardy taýyp otyrǵany alǵashqy emes. 2011 jyldyń mamyr aıynda sol aýdanda qulaqsyz or qoıan dúnıege kelgen bolatyn.
