«Fýkýsıma-1» AES-inde taǵy eki reaktor jelige qosyldy
ASTANA. 21 naýryz. QazAqparat - Japon mamandary búgin «Fýkýsıma-1» apatty AES-inde eki energoblokty elektr taratý jelisine qosty, dep habarlady reseılik «Jańalyqtar» agenttigi.
TERKO operator-kompanııasyna silteme jasap, Kıodo agenttiginiń habarlaýynsha, ekinshi jáne besinshi energobloktar qabyldaý qurylǵylaryna jalǵastyryldy. Endi kompanııa radıatsııa deńgeıin baqylaý júıesin qalpyna keltirýdi, basqarý pýnktine jaryq berýdi jáne reaktordy salqyndatýdy josparlap otyr.
Japonııa qorǵanys mınıstri Tosımı Kıtazava barlyq alty energoblokta salqyndatý basseınderinde temperatýra 100 gradýstan aspaıtynyn málimdegen bolatyn, alaıda joǵary qysymnyń saldarynan úshinshi reaktordyń korpýsyndaǵy temperatýra joǵarylap keledi. Budan buryn kompanııa birinshi jáne ekinshi reaktorlarǵa elektr taratý jelisin qosqanyn habarlaǵan bolatyn.
Sonymen birge Japonııa ózin-ózi qorǵaý kúshteri men órt sóndirýshiler úshinshi jáne tórtinshi energobloktaǵy paıdalanylǵan otyndy tógýdi jalǵastyrýda. Jeksenbi kúni Japonııa úkimetiniń bas hatshysy ıÝkıo Edano «tutastaı alǵanda AES-tegi jaǵdaı jaqsaryp keledi, degenmen onyń jolynda kedergiler az emes», dep málimdegen bolatyn.
