«Fýkýsıma-1» AES-inde radıatsııanyń rekordtyq deńgeıi tirkeldi
ASTANA. 2 tamyz. QazAqparat - «Fýkýsıma-1» AES-niń operatory - TERSO kompanııasy, elektr stansasynyń aýmaǵynda radıatsııanyń rekordtyq deńgeıi tirkelgenin málim etti.
10 myń mıllızıvert/saǵat kórsetkish 11 naýryzdaǵy zilzaladan beri tirkelgen eń joǵary deńgeı bolyp otyr, dep habarlaıdy RBK agenttigi.
HNK telearnasynyń aqparaty boıynsha, qazir stansada qalpyna keltirý jumystaryn júrgizip jatqan Tokyo Electric Power Co., kompanııasynyń qyzmetkerleri stansanyń 1-shi jáne 2-shi energobloktaryn baılanystyratyn tonnelde keshe radıatsııanyń tótenshe joǵary deńgeıin tirkegen. Nátıjesinde jumysshylar 4 mıllızıvert mólsherinde radıatsııa dozasyn alǵan. TERSO bul qaýipi tonneldi jaýyp tastady.
Japonııanyń Atom elektr stansalaryndaǵy apattardy joıý isteri jónindegi mınıstri Gosı Hosono, 2011 jyldyń qyrkúıek aıynan bastap «Fýkýsıma-1» stansasynyń aınalasyndaǵy 20 shaqyrymdyq oqshaýlaý aýmaǵyn tazalaý jumystary bastalatynyn habarlady. Vedomstvo basshysy, 2012 jyldyń qańtar aıyna deıin bul jumystar aıaqtalýy kerek ekenin, aǵymdaǵy jyly 11 naýryzda bolǵan qýatty zilzala men sonyń saldarynan atom-elektr stansasynda oryn alǵan apatqa baılanysty úı-jaılaryn tastap ketýge májbúr bolǵan turǵyndar sodan keıin ǵana úılerine oralatynyn málim etti.
