«Fýkýsıma-1» AES-de radıatsııanyń taralýy oryn aldy
ASTANA. 6 maýsym. QazAqparat - «Fýkýsıma-1» japondyq atom stansasynyń operator kompanııasy atalǵan stansada radıaktıvti zattyń taralýy taǵy da oryn alǵanyn málimdedi. Bul týraly VVS habarlady.
Bul zattyń jaıylýy reaktorlardy salqyndatý úshin paıdalanylatyn sý toltyrylǵan jerasty rezervýarlardyń birinen bolǵan kórinedi.
Kompanııany basqarýshylar radıaktıvti zattyń taralýy eleýli kólemde emes degendi alǵa tartýda. Osy aptada olar AES mańyndaǵy jerasty sýlary lastanǵanyn moıyndady. Aldyn ala málimetter boıynsha radıaktıvti zattar jer qyrtysyna rezervýarlardan sińip ketti dep paıymdaýda. Budan buryn kompanııa bundaı múmkindikti joqqa shyǵarǵan edi.
2011 jyldyń naýryzynda «Fýkýsıma-1» stansasyna zilzala men tsýnamıdiń saldarynan kúrdeli zaqym keltirilgen bolatyn.
