«Fýkýsıma-1» AES burynǵy basshysy qaterli isikten kóz jumdy
ASTANA. 10 shilde. QazAqparat - Japonııada «Fýkýsıma-1» AES burynǵy basshysy Masao Esıda kóz jumdy. Onyń ólimine qaterli isikpen aýrý sebep boldy, dep habarlaıdy RBK.
Bul qaıǵyly oqıǵa týraly jarııalaǵan Tokyo Electric Power Co kompanııasy M.Esıdanyń aýrýy radıatsııalyq sáýlemen baılanysty emes ekenin atap aıtty.
2011 jylǵy naýryzdaǵy apattan keıin M.Esıda udaıy "Fýkýsıma-1"-de bolǵany atap aıtylady. Ol barlyq apattyq-qalypqa keltirý jumystaryn ózi basqarǵan. Al qyzmetinen oqıǵa aıtarlyqtaı turaqtanǵan kezde, jeltoqsanda ketken. Sol kezdiń ózinde ol qatty aýyrǵan.
Japonııadaǵy AES-tegi apat 2011 jylǵy 11 naýryzda qatty jer silkinýden keıin oryn alǵanyn eske salamyz. Elektr stantsııasynyń energııa blogy qatty zaqymdanǵan bolatyn, radıoaktıvti suıyqtyqtyń bir bóligi teńizge túsken. AES aınalasynda shettetý aımaǵyn qurýǵa týra keldi.
