«Fýkýsıma-1» AES aýdanynda radıatsııa deńgeıi joǵarylap keledi
ASTANA. 9 shilde. QazAqparat - Sońǵy birneshe kúnde Japonııadaǵy «Fýkýsıma-1» atom stansasynyń aýdanynada jer asty sýlarynyń radıoaktıvti lastanýy deńgeıi aıtarlyqtaı joǵarylady.
Stansanyń operatory bolyp tabylatyn TEPCO ınjenerlik kompanııasy budan ary qaraı lastanýdy toqtatý úshin bar kúsh-jigerin salyp otyrǵandyǵyn málimdedi.
VVS-diń jazýynsha, boljam boıynsha qaterli isikti týdyratyn qaýipti zattarmen lastaný kórsetkishi bul jerde tıisti deńgeıden edáýir joǵary kórinedi.
Atalǵan stansada apat bolǵannan beri eki jyldan astam ýaqyt ótti. 2011 jyldyń naýryzynda «Fýkýsıma-1» AES-ke jer silkinisi men tsýnamı saldarynan kúrdeli zaqymdar keldi.
TEPCO-nyń málimetinshe, jer asty sýlary qatty lastanǵan. Ótken aptada teńiz sýynyń da nusqasy saraptamaǵa alynyp, onyń lastaný deńgeıi sońǵy eki jyldaǵydan joǵary bolǵan.
