«Fýga» fılminiń basty keıipkeri Á. Sádýaqasova túsirilim kezinde ýlanyp qalǵan
ASTANA. QazAqparat - Ásel Sádýaqasova "Fýga. Doroga v nıkýda" fılminiń túsirilimi kezinde shóp jeımin dep ýlanyp qalǵan, dep jazady kinostan.kz.
Samat Bazyhanov pen Erkebulan Joldasov túsirgen otandyq trıllerde aktrısa basty róldi somdaǵany belgili. Total.kz tilshisine bergen suhbatynda, Ásel 5 kúnge sozylǵan túsirilim kezinde birqatar qıyndyqtar kezdeskenin áńgimelep beripti. Sıýjet boıynsha fýga dertine shaldyqqan keıipker shóp jeýi tıis bolǵan. Uıymdastyrýshylarda jeýge jaramdy ósimdik daıyndaýǵa ýaqyt bolmaǵan, sondyqtan Áselge jol boıynda ósip turǵan kádimgi shópti jeýge týra kelgen. Túsirilimnen keıin ol ózin nashar sezine bastaıdy. Úıge oralǵannan keıin "Jedel járdem" shaqyryp, bir apta aýrýhanaǵa jatyp shyqqan.
Ásel Sádýaqasovanyń shóp jeıtin sáti. "Fýga. Doroga v nıkýda" fılminen úzindi:
