Fufeng Group eldiń aýyl sharýashylyǵyna ınvestıtsııa salmaq
ASTANA. KAZINFORM — Prezıdent Fufeng Group kompanııasy dırektorlar keńesiniń tóraǵasy Lı Sıýechýndi qabyldady. Bul týraly Aqordanyń baspasóz qyzmeti habarlady.
Qasym-Jomart Toqaev Lı Sıýechýndi Jambyl oblysynda aýqymdy ınvestıtsııalyq jobany iske qosýymen quttyqtady.
Memleket basshysynyń aıtýynsha, bul kásiporyn elimizdiń ındýstrııalyq damýy jáne agroónerkásip bıotehnologııasy sııaqty jańa baǵytty qalyptastyrý turǵysynan strategııalyq mánge ıe. Bul rette shıkizatty turaqty jetkizý jáne óndiristik park aınalasynda agrarlyq beldeý qurýdyń mańyzy zor.
Lı Sıýechýn kompanııa elimizdiń dıqandarymen júgeri satyp alý, sondaı-aq bilikti maman daıarlaý boıynsha uzaqmerzimdi seriktestik ornatýǵa nıetti ekenin aıtty.
Osy oraıda elimizdiń joǵary oqý oryndarymen birlesken bilim baǵdarlamalaryn ázirleý jáne kásiporyn bazasynda otandyq ǵylymı-zertteý ınstıtýttaryn tarta otyryp, R&D ortalyǵyn qurý múmkindigi talqylandy.
Fufeng Group dırektorlar keńesiniń tóraǵasy Qazaqstannyń aýyl sharýashylyǵy salasynda iri jobalardy júzege asyra alatyndaı qýatty resýrs pen áleýetke ıe ekenin aıtty.
Aıta ketelik Qazaqstan men Qytaı ınvestıtsııalyq jobalar boıynsha kelisimderge qol qoıǵan edi.
