Fýdzı taýyna shyǵatyn týrısterden tikushaqpen qutqarý úshin aqy alynýy múmkin

ASTANA. KAZINFORM —  Fýdzı taýyna shyǵýǵa tyıym salynǵan maýsymda qalyp qoıǵan alpınısterdiń kóbeıýine baılanysty Japonııa bıligi qutqarý shyǵyndaryn olardan óndirip alýdy qarastyryp jatyr, dep habarlaıdy AZƏRTAC.

Alpınısterdiń Fýdzı taýyna tyıym salynǵan kezeńde kóterilip, keıin taýda qalyp qoıý deregi jıilegen soń, Japonııanyń ıAmanası prefektýrasy olardy tikushaqpen qutqarýǵa jumsalatyn shyǵyndy ózderinen óndirý múmkindigin qarastyryp jatyr.

Jergilikti bılik maýsymnan tys ýaqytta qıyn jaǵdaıǵa tap bolǵandardy qutqarý úshin memlekettik qarajatty paıdalaný oryndy ma degen máseleni kóterip otyr. Prefektýra ókilderiniń aıtýynsha, mundaı qadam alpınısterdi maýsymnan tys ýaqytta taýǵa shyǵýdan bas tartýǵa yntalandyrýy múmkin.

ıAmanası bıligi buǵan deıin Saıtama prefektýrasynda engizilgen tájirıbeni zerttep jatyr. Ol jaqta taýdaǵy apat kezinde tikushaqpen qutqarý operatsııasyna aqy alynady. Endi osyndaı júıeni ıAmanası de qabyldaýy yqtımal.

Sondaı-aq, Fýdzı taýynan bólek, Japonııa Alpilerinde jáne basqa da taýly aımaqtarda qutqarý úshin aqy alý máselesi qarastyrylyp jatyr.

Aıta keteıik, sáýir aıynda Fýdzı taýynda maýsymnan tys kezeńde bir apta ishinde eki márte Qytaıdan kelgen ýnıversıtet stýdenti qutqarylǵan. Bul jaǵdaı Fýdzınomııa (Sıdzýoka prefektýrasy) jáne Fýdzıesıda (ıAmanası prefektýrasy) qalalarynyń merleriniń synyna ushyrady. Olar smartfon arqyly qutqarý qyzmetine jón-josyqsyz júginý úrdisi paıda bolǵanyn atap ótti. 

Aıta ketelik Japonııanyń aýyl sharýashylyǵy mınıstri kúrish daýyna baılanysty otstavkaǵa ketkeni týraly jazǵan edik.