Fýbol: «Aqtóbe» - Qazaqstan-2014 Sýperkýbogynyń ıegeri
ASTANA. QazAqparat - Búgin elordadaǵy «Astana-Arena» stadıonyndaǵy Qazaqstan Sýperkýbogy úshin matchynda «Aqtóbe» komandasy «Shahter» fýtbolshylaryn 1:0 esebimen utty.
Kezdesýdiń birinshi jartysynda qos komanda oıynshylary da gol salýǵa qaýipti sátterdi týdyrǵanymen, esep ashylmady. Tek ekinshi taımnyń 68 mınýtynda Danılo Neko «Shahterdiń» qaqpasynan sańylaý taýyp, gol saldy. Aqtóbelikter osy basymdyǵyn oıynnyń aıaǵyna deıin saqtap qaldy. Nátıjesinde, «Aqtóbe» Qazaqstan-2014 Sýperkýbogynyń ıegeri atandy.
Aıta keteıik, osy tartysty oıyndy tamashalaýǵa 14 myńnan astam kórermen keldi.
