FTX krıptovalıýta bırjasynyń negizin qalaýshy 100 jylǵa túrmege qamalýy múmkin
Ol bırja klıentteriniń depozıtindegi mıllıondaǵan dollardy óziniń Alameda Research hedj-fondyna, jyljymaıtyn múlik jáne basqa da ınvestıtsııa satyp alýǵa zańsyz jumsady dep aıyptalǵan.
Benkman-Frıd jeltoqsanda Bagam araldarynda ustaldy da Nıý-Iorkqa ekstradatsııalanyp, sonda sot aldynda jaýap berdi.
Oǵan alaıaqtyq pen aqsha jymqyrýǵa qatysty birneshe aıyp taǵylǵan. Bul is Amerıka tarıhyndaǵy eń iri qarjy qylmystarynyń biri dep baǵalanyp otyr.
Sot buǵan deıin Bernı Medoff (qarjy pıramıdasyn uıymdastyrýshy) tólegen 10 mln dollarlyq eń úlken kepilden 25 esege kóp kepildi tóleýge kelisti.
Tórt adam – ata-anasy men týysyn qosqanda, oǵan kepil boldy.
Ony aıypty dep tapsa, 100 jyldan asa ýaqytqa túrmege qamalýy múmkin.
Federaldy prokýrorlar men tergeýshiler ony krıptosaýda platformasyn óziniń jeke ómirin qarjylandyrýǵa paıdalandy dep málimdedi.
Ol ınvestorlardy olardyń aktıvterin jeke kompanııasyna paıdalaný úshin tartyp, mıllıardtarymen bólisýge kóndirgen.
Onyń alaıaqtyq shemasy qarasha aıynda, FTX bankrot dep jarııalaýǵa ótinish jibergende ashyldy.
Foto: ru.euronews.com
