FTB Trampqa qatysty tergeý júrgizgen bólimdi taratady
ASTANA. KAZINFORM – AQSh Federaldyq tergeý bıýrosynyń Vashıngtondaǵy bólimi arnaıy ókil Djek Smıtke prezıdent Donald Trampqa qatysty tergeý júrgizýge kómektesken memlekettik organdardaǵy sybaılas jemqorlyqpen kúres bóliminiń jumysyn toqtatady, dep habarlaıdy NBC News.
«CR15» dep atalatyn bólimshe Tramp jáne onyń odaqtastarynyń 2020 jylǵy saılaý qorytyndylaryn joıý áreketin tergedi. Bul tergeý Trampqa qarsy eki federaldy qylmystyq istiń birine ákeldi, olardyń ekeýi de ol saılanǵannan keıin toqtatyldy.
Bólimsheni jabý týraly sheshim FTB resýrstaryn AQSh-tyń Mıgraııa jáne kedeg polıtsııasynyń quzyryndaǵy mıgratsııalyq baqylaýǵa qaraı bólý jumystary aıasynda qabyldandy.
- Meniń baqylaýym FTB CR-15 bólimshesi ásirese prezıdent Tramp pen onyń odaqtastaryna qarsy birjaqty saıası shabýyldardy júzege asyrý úshin paıdalanǵanyn qaıta-qaıta kórsetti. Men bólimsheniń zańǵa qaıshy áreketterin áshkerelegennen keıin onyń jabylǵany jaqsy jańalyq, - dedi Senattaǵy Zań komıtetiniń tóraǵasy Chak Grasslı (Aıovadan respýblıkashyl) óz málimdemesinde.
Tramp jáne onyń odaqtastarynyń 2020 jylǵy saılaý qorytyndylaryn joıý áreketterine qatysty tergeý Tramp 2024 jylǵy prezıdenttik saılaýǵa qatysý nıetin jarııalamas buryn, 2022 jyldyń sáýirinde bastaldy. Tramp óziniń saılaýaldy naýqanyn bastaǵannan keıin burynǵy bas prokýror Merrık Garland 2022 jyldyń sońynda Smıtti arnaıy keńesshi etip taǵaıyndady.
Trampqa 2023 jyldyń tamyzynda aıyp taǵyldy, biraq sot apellıatsııalyq shaǵymdarǵa baılanysty keıinge qaldyryldy, aqyry Joǵarǵy Sot Trampqa prezıdent retinde qabyldaǵan resmı áreketteri úshin ımmýnıtet berý týraly sheshim qabyldady.
Buǵan deıin AQSh Kongresiniń Senaty Kesh Pateldiń kandıdatýrasyn AQSh Federaldy tergeý bıýrosynyń (FTB) dırektory laýazymyna bekitkenin jazǵan bolatynbyz.