FTB qyzmetkerleri Detroıt mańynda Helloýın merekesinde jasalýy tıis teraktiniń aldyn aldy

ASTANA. KAZINFORM – Federaldy tergeý bıýrosynyń (FTB) qyzmetkerleri bir top jastyń demalys kúni Helloýın merekesinde jasamaq bolǵan teraktiniń aldyn aldy, dep habarlaıdy BILD.

ABC News telearnasynyń habarlaýynsha, agentter Detroıt mańynda birneshe kúdiktini ustady. Olardyń jastary 16 men 20 aralyǵynda. Olar atys qarýymen jattyǵý jasap, «Pumpkin day» («Asqabaq kúni») degen ataýmen kod berilgen shabýyldy talqylaǵan.

FTB dırektory Kash Pattel tergeýshilerdiń shabýyl daıyndaǵan toptyń Islam memleketi terrorıstik uıymymen baılanysy bolýy múmkin ekeninen kúdiktenip otyrǵanyn aıtty. Qazirgi tańda kúdiktilerdiń ekstremıstik resýrstarǵa kirgen-kirmegeni tekserilip jatyr.

ABC News málimetterinshe, eki adam tutqyndalyp, taǵy úsheýi tergeýge jetkizildi. FTB qyzmetkerleri qazir turǵyndar úshin eshqandaı qaýiptiń joq ekenin málim etti.

Osyǵan deıin Ierýsalımdegi teraktide alty adam qaza tapqany týraly jazdyq.