Froch Golovkınmen judyryqtasý úshin rıngke qaıta kelýi múmkin

ASTANA. QazAqparat - Karl Froch Gennadıı Golovkınmen jekpe-jek arqyly rıngke qaıta oralý múmkindikterin qarastyrýda, dep habarlaıdy Sports.kz The Sun gazetine silteme jasap.

39 jastaǵy «Kobra» 2014 jyly Djordj Groývsty jeńgennen keıin rıngke shyqqan joq. Frochtyń promoýteri Eddı Hırn osy demalysta GGG promoýteri Tom Lefflermen kezdesip, Frochtyń josparlary týraly áńgimeledi: «Árıne, Tom qaljyńdady, biraq Karl «Golovkın menimen qaı salmaqta judyryqtasýy múmkin?» dep surady. Men 172 fýnt dep jaýap berdim, al Tom 170 fýnt ekenin aıtty.
Karldyń qyzyǵýshylyǵy oıandy. Men Lefflerdiń ony qyzyqtyra túsetinin anyq bilemin. Men ony qaıtadan rıngte kórýge senimdi emespin - áıtse de ol básekege qabiletti boksshy. Froch - Golovkın jekpe-jegi iri kezdesýlerdiń biri bolar edi jáne áli de olardyń kezdesýi bek múmkin».