Frıstaılshy ıÝlııa Galysheva Álem kýbogynda «kúmis» aldy
NUR-SULTAN.QazAqparat – Qazaqstandyq frıstaılshy ıÝlııa Galysheva Kanadadaǵy Álem kýbogynyń jeke mogýl kezeńinde ekinshi oryn aldy, dep habarlaıdy QazAqparat tilshisi.
Onyń nátıjesi 80,99 upaıdy qurady. Birinshi orynǵa 2018 jylǵy Olımpıada chempıony, frantsýz Perrın Laffon (82,14 upaı) jaıǵasty. Úzdik úshtikti reseılik Anastasııa Smırnova (80.18) túıindedi.
Elimizdiń atynan barǵan taǵy bir sportshy Aıaýlym Ámirenova 58,54 upaımen 28-orynǵa turaqtady.
Erler arasynda kanadalyq Mıkael Kıngsberı (86,80) jeńimpaz atansa, ekinshi oryndy japondyq Ikýma Horısıma (86,60) ıelendi. Úshinshi oryn frantsýz Benjamen Kavege (83,99) buıyrdy.
Qazaqstandyq sportshy Pavel Kolmakov 76,00 upaı nátıjesimen 11-orynnan kórinse, Dmıtrıı Reıherd 24-shi boldy (71,89 upaı).
Aıta ketsek, Álem kýboginiń úshinshi kezeńi Mon-Tremblanda (Kanada) ótti.
Buǵan deıin, Qazaqstandyq frıstaılshy Anastasııa Gorodko Fon-Romdaǵy Eýropa kýbogynyń kezeńinde «altyn» alǵan bolatyn.
