Frıstaıldan jeńiske jetken elimizdiń sportshylary mektep oqýshylarymen kezdesti
ALMATY. 2 aqpan. QazAqparat /Ádilet Musahaev/ - Aq Azıada oıyndarynda Frıstaıldan jeńiske jetken elimizdiń sportshylary Almatydaǵy №73 mektep-gımnazııasynyń oqýshylarymen kezdesip, óz áserlerimen bólisti.
Sportshylardan frıstaıldan Frantsııada ótken XXV álemdik qysqy ýnıversıadanyń chempıony Darıa Rybakova men osy oıynda qola medal alǵan Denıs Moısev, stýdentter arasynda atýdan álem chempıony bolǵan Aleksandra Malınovskaıa jáne 7-Qysqy Azııa oıyndary aıasynda ótken frıstaıldan mogýl jattyǵýy boıynsha chempıon atanǵan ıÝlıa Galysheva men Dmıtrıı Reıhard boldy.
Frıstaıl men snoýbord Ulttyq federatsııasynyń vıtse-prezıdenti, Qazaqstannyń shańǵy sport oıyndary qaýymdastyǵynyń Bas hatshysy Nıkolaı Gýtsel oqýshylarǵa atalǵan sportshylarymyzdyń jetken jetistikterin baıandaı kele: "Bıik belesterdi alý úshin ár adam mektep qabyrǵasynan bastap aldyna naqty maqsattar qoıa bilýi kerek jáne soǵan jetý úshin kóp ter tógý kerek. Sonda ǵana nátıjeli kórsetkishterge qol jetkizesizder. Sonyń aıǵaǵy retinde keshe ǵana mektep bitirip, úlken jeńisterge jetken aldaryńda otyrǵan sportshylardy maqtana aıta alamyn",- dedi.
Sonymen qatar ol sportshylarymyz halyqaralyq sporttyq dodalarda abyroıly óner kórsetip, elimizdiń án-uranyn birneshe ret shyrqatqanyn aıtty. "Bir eldiń ánurany ózge elde eki jaǵdaıda ǵana shyrqalady. Birinshiden, basqa eldiń Prezıdenti kelgen kezde jáne halyqaralyq sporttyq oıyndarda jeńiske jetken sportshynyń memlekettik gımni oryndalady. Osy tusta bizdiń sportshylar da qalys qalyp jatqan joq", -deıdi N. Gýtsel.
Sportshylar da oqýshylardyń patrıottyq sezimin nyǵaıtyp, odan ári jigerlendire túsý úshin ózderiniń tájirıbelerimen bólisti.
Al, oqýshylar óz kezeginde sportshylarǵa arnap daıyndaǵan kontserttik baǵdarlamalaryn usyndy.
