Frıstaıldan álem kýbogynyń kezeńi: Qazaqstandyq Reıherd qola júlde jeńip aldy
ASTANA. QazAqparat - Kanadanyń Mont-Tremblan qalasynda Frıstaıldan (mogýl) álem kýbogynyń kezekti kezeńi aıaqtaldy. Qazaqstandyq komanda ishinen úzdik nátıjeni Dmıtrıı Reıherd kórsetti, dep habarlaıdy Olympic.kz.
Reıherd bul synda úzdikter qatarynan kórinip, qola júldeni qorjynǵa saldy. Ol 83.42 ball jınady. Jeńis tuǵyryna kanadalyq Mıkael Kıngsberı (86.73) shyqty. Ekinshi bolyp japondyq Ikýma Horıshıma (85.02) keldi.
Dodaǵa taǵy bir qazaqstandyq Pavel Kolmakov qatysqan, ol nebary 16-shy orynǵa taban tiredi.
Ókinishke qaraı, bul joly ıÝlııa Galyshevanyń joly bolmady. 2018 jylǵy Olımpıadanyń qola júldegeri qulap qalyp, 16-shy bolyp máre syzyǵyn kesti. Al Aıaýlym Amrenova 31-shi bolyp keldi.
