Frıstaıldan álem kýbogy: 16 jastaǵy P. Kolmakov úzdik otyzdyqqa endi
ASTANA. 19 jeltoqsan. QazAqparat - Fınlıandııanyń Rýka qalasynda frıstaıldan álem kýbogynyń kezeńi aıaqtaldy. Bul synǵa Qazaqstannyń úzdik frıstaılshylary da qatysyp qaıtty.
Ókinishke oraı, Azııa oıyndarynyń chempıony, jasóspirimder arasyndaǵy álem chempıony ıÝlııa Galysheva (juptyq mogýl) alǵashqy kezeńde sátsizdikke ushyrap, 32 orynmen shetteldi. Al Darııa Rybalova 25 orynnan kórindi. Erler arasyndaǵy synda Azııa oıyndarynyń chempıony Dmıtrıı Reıherd 33 oryndy mise tutty. Esesine, álem kýbogy kezeńine alǵash qatysqan on alty jastaǵy Pavel Kolmakov 29 oryn alyp, úzdik otyzdyqqa endi. Al ardager sportshylarymyzdyń biri Dmıtrıı Barmashov 51 oryndy qanaǵat tutty, dep habarlaıdy «Alaman» sport agenttigi.
