Frıstaıl sportynan Dmıtrıı Reıherdqa úlken úmit artamyz - «Dınamo» sport qoǵamy tóraǵasynyń 1-shi orynbasary
ALMATY. Aqpannyń 12-si. QazAqparat /Erlik Erjanuly/ - Búgin Kanadanyń Vankýver qalasynda jalaýyn kótergen HHІ qysqy Olımpıada oıyndarynda elimizdiń namysyn qorǵaıtyn sportshylardyń kóbi dınamoshylar. Biz bul dúbirli dodada frıstaılden synǵa túskeli otyrǵan Dmıtrıı Reıherdke erekshe úmit artyp otyrmyz, deıdi «Dınamo» dene shynyqtyrý-sport qoǵamy Ortalyq keńesi tóraǵasynyń birinshi orynbasary Asqar Omarqulov.
Jalpy, bul dúbirli dodada sporttyń bul túrinen el namysyn 6 sportshy qorǵaıdy. Olar - Jibek Arapbaeva, ıÝlııa Galysheva, Darıa Rybalova, ıÝlııa Rodıonova, Dmıtrıı Reıherd pen Dmıtrıı Barmashov. J.Arapbaeva, ıÝ. Galysheva men D. Barmashov qysqy Olımpıada oıyndaryna alǵash ret qatysqaly otyr. Al D. Rybalova, ıÝ. Rodıonova men D. Reıherd úshin bul - ekinshi Olımpıada.
«Dmıtrıı Reıherd frıstaılden el tarıhynda Álem chempıony atanǵan tuńǵysh qazaqstandyq sportshy. Ol bul ataqqa Shveıtsarııanyń Aırolo qalashyǵynda jasóspirimder arasynda ótken jarysta qol jetkizgen bolatyn. 21 jastaǵy óskemendik halyqaralyq dárejedegi sport sheberiniń bapkeri Vıktor Lemeshko. 2008 jyly Eýropa kýbogynyń ıegeri, al byltyr Álem kýbogynyń kezeńdik jarysynda qola júldeger atanǵan Dmıtrıı 2006 jylǵy HH qysqy Olımpıada oıyndarynda 33-shi orynǵa taban tiregen bolatyn», deıdi Asqar Omarqulov.
