Frıstaıl-mogýldan Qazaqstan quramasynyń bapkeri jankúıerlerden keshirim surady
«Biz tóreshiler baǵasyna esh pikir bildire almaımyz. Óıtkeni olardyń bári tájirıbeli mamandar. Olar Olımpıada bastalǵanǵa deıin tórt jyl buryn tańdalady. Anastasııa Gorodko – Olımpıada oıyndarynyń eń jas qatysýshysy. Sondyqtan bári alda. Ol endi Italııadaǵy jarystarǵa daıyndalady. Sonda eń jaqsy nátıje kórsetetin bolady. Jalpy quramamyz daıyn boldy. Biz bul Olımpıadaǵa daıyndaldyq. Biraq túpki nátıje osyndaı... Árıne, bizdiń de kóńilimiz tústi. Sondyqtan jankúıerlerimizden keshirim suraımyz. Degenmen, ómir osymen aıaqtalmaıdy», - dedi bas bapker Elena Krýglyhına jankúıerlerge.
Óz sózinde spıker endi qorytyndy jasap, sharalar qabyldaý kerektigin aıtty.
«Bizge jazda daıyndalý qıyn boldy, bul karantındik sharalarǵa tikeleı baılanysty. Kúzde syrǵanaýǵa bolatyn qar izdedik. Barlyq sportshylar is júzinde jyl boıy qarda daıyndalady. Qazaqstan quramasy bárinen de az jattyǵady, biraq soǵan qaramastan óte jaqsy nátıje kórsetýde. Oǵan rýhymyzben, kúshimizben, birligimizben jetemiz. Komanda – naǵyz myqtylar. Búgin barlyǵyna alǵysymdy aıttym. Biz ári qaraı damı beremiz, esh berilmeımiz», - dedi E. Krýglyhına
Aıta keteıik, 6 aqpan kúni qazaqstandyq jankúıerler Beıjiń Olımpıadasynan medal kútken bolatyn, ókinishke qaraı úmit aqtalmady.
