Frıstaıl-mogýldan Eýropa kýbogy: Qazaqstandyq sportshy eki medal aldy
NUR-SULTAN. QazAqparat – Shvetsııanyń Ore qalasynda frıstaıl-mogýldan Álem kýbogynyń kezeńi aıaqtaldy. Jarystar barysynda qazaqstandyq sportshy Anastasııa Gorodko eki márte minberge kóterildi, dep habarlaıdy QazAqparat.
QR Ulttyq Olımpıadalyq komıtetiniń málimetine sáıkes, A.Gorodko «paralleldi mogýlda» birinshi boldy. Ol fınalda Germanııa ókili Hanna Vesseni basyp ozdy.
Sondaı-aq sportshymyz «mogýl» kezeńinde «qola» aldy. Baǵdarlamanyń atalmysh túrinde altyn medal Nıderlandy ókili Janeke Berghýıske buıyrdy. «Kúmisti» shvetsııalyq Maı Berkman ıelendi.
Eýropa kýbogynyń jalpy esebinde A.Gorodko kóshbasshylyq pozıtsııany saqtap keledi.
