Frıstaıl-mogýldan Eýropa kýbogi: Qazaqstandyq sportshy úshinshi «altynyn» ıelendi
NUR-SULTAN. QazAqparat - Shveıtsarııada frıstaıl-mogýldan Eýropa kýbogi kezeńi aıaqtaldy. Sońǵy jarys kúninde qazaqstandyq Anastasııa Gorodko taǵy bir márte jeńis tuǵyryna kóterildi, dep habarlaıdy QazAqparat Olympic.kz saıtyna silteme jasap.
Sońǵy básekede Gorodko taǵy bir altyn júldege qol jetkizdi. Ekinshi jáne úshinshi oryndy germanııalyqtar Hanna Vesse men Lena Maıer ıelengen. Aıta ketelik, Eýropa kýboginde Anastasııa Gorodko jalpy esebi 4 medal jeńip aldy. Onyń úsheýi – «altyn», bireýi – «kúmis».
