Frıstaıl-mogýl: Pavel Kolmakov jekeleı synda jarys jolyn aıaqtady
LIVINЬO.KAZINFORM — Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynyń erler arasynda frıstaıl-mogýl boıynsha alǵashqy fınaldyq básekesi ótti.
Qazaqstandyq Pavel Kolmakov jarys jolyna 12-bolyp shyǵyp, 75.70 upaımen 16-orynnan kórindi.
Erejege sáıkes, fınaldyń alǵashqy kezeńinde TOP-8 sportshy aqtyq synda Olımpıada júldesin sarapqa salady.
Aıta keterligi, Pavel Kolmakov alǵashqy irikteý satysynda 76.24 upaımen fınaldyq kezeńge tikeleı joldama alǵan bolatyn.
Osyǵan deıin habarlaǵanymyzdaı, qazaqstandyq mogýlshy qyzdar keshe fınaldyq kezeńde óner kórsetip, júldesiz qalǵan edi.
12 aqpan kúni Italııanyń Mılan jáne Kortına-d’Ampetstso qalalarynda XXV qysqy Olımpıada oıyndarynyń besinshi jarys kúni bastaldy.