Frıstaıl mogýl: Anastasııa Gorodko kúmis júldege ıe boldy
ASTANA. KAZINFORM – Frıstaıl mogýldan Italııanyń Keza-ın-Valmalenko qalasynda ótken jasóspirimder arasyndaǵy álem chempıonatynda qazaqstandyq Anastasııa Gorodko búgin ekinshi júldesine qol jetkizdi.
18 jastaǵy otandasymyz paralel mogýldan kúmis medal enshiledi.
Atalǵan synda bas júldeni amerıkalyq Kılıe Karıotıs jeńip alsa, úshinshi orynǵa
japonııalyq sportshy ıÝma Tagýchı taban tiredi.
Esterińizge sala keteıik, keshe Anastasııa Gorodko frıstaıl mogýldan chempıon atanǵanyn jazǵan bolatynbyz.
Buǵan deıin Anastasııa 2022 jyly dál osy álem chempıonatynda paralel mogýldan jeńimpaz atanǵan edi. Sondaı-aq Beıjiń Olımpıadasynda otandasymyz nebári 16 jasynda qatysyp, 11-orynǵa turaqtaǵan bolatyn.
Osy tusta Anastasııa Gorodko aýyr jaraqattan aıyqqanyn aıta ketken jón. Otandasymyz 2022 jyly dál osy Keza-ın-Valmalenkodaǵy álem chempıonatynda sátti óner kórsetip, arada 1 aı ótkende kólik apatyna ushyraǵan. Dárigerler onyń oń aıaǵynyń kóptegen súıegi synǵanyn anyqtaǵan edi.
Sportshyǵa der kezinde Germanııada ota jasalyp, ol 2023 jyly tolyq em aldy. Qaıta qalpyna kelý protsesinen keıin Gorodko bıyl kásibı sportqa qaıta oralyp qana qoıǵan joq. Álem chempıonatynda oza shaýyp, babynda ekenin kórsetti.
