Frıstaıl-mogýl: Anastasııa Gorodko Álem kýbogynda altynshy orynǵa ıe boldy
ASTANA. KAZINFORM — Búgin Almatydaǵy «Shymbulaq» taý shańǵysy kýrortynda frıstaıl-mogýldan Álem kýbogynyń kezeńi bastaldy. Alaǵashqy jarys kúninde qazaqstandyq Anastasııa Gorodko altynshy orynǵa ıe boldy.
Aıta keteıik, sportshy negizgi fınalǵa joldama alǵan edi. Alaıda júlde úshin kúresýge múmkindik bolmady. Aýa raıynyń qolaısyzdyǵyna baılanysty jarysty aǵymdaǵy kezeńderde aıaqtaý týraly sheshim qabyldandy.
Nátıjesinde, áıelder arasyndaǵy oryndar birinshi fınaldyń qorytyndysy boıynsha bólindi. Onda Anastasııa Gorodko altynshy, al ıÝlııa Galysheva jetinshi boldy.
Erler arasynda birinshi fınal tolyq aıaqtalmaı qaldy. Sońynda Pavel Kolmakov besinshi orynǵa ıe boldy.
Atalǵan doda 2 naýryzda máresine jetedi.
Bul jarysta Qazaqstan quramasynyń atynan segiz sportshy baq synap jatyr.
Atap aıtar bolsaq, bapkerler ıÝlııa Galysheva, Anastasııa Gorodko, ıÝlııa Feklıstova, Anastasııa Larıonova, Pavel Kolmakov, Anton Bondarev, Fedor Býgakov, Denıs Rastrýba synǵa túsip jatyr.
Jarys baǵdarlamasyna sáıkes sportshylar mogýl, paralleldi mogýl jáne shańǵymen akrobatıka saıystarynda synǵa túsedi.
Jarysqa Aýstralııa, Kanada, Qytaı, Frantsııa, Japonııa, AQSh jáne Qazaqstandy qosa alǵanda jalpy 18 elden 100-den astam sportshy kelgen.
Aıta ketsek, osyǵan deıin Almatyda ótetin Álem kýbogynda el namysyn kimder qorǵaıtyny týraly jazǵan bolatynbyz.