Frıstaıl-mogýl: Almatyda ótetin Álem kýbogynda el namysyn kimder qorǵaıdy

ASTANA. KAZINFORM — Erteń, ıaǵnı 28 aqpan kúni Almatydaǵy «Shymbulaq» taý shańǵysy kýrortynda ótetin frıstaıl-mogýldan Álem kýbogynyń kezeńinde el namysyn qorǵaıtyn sportshylarymyz belgili boldy.

Atalǵan doda 2 naýryzda máresine jetedi.

Bul jarysta Qazaqstan quramasynyń atynan segiz sportshy baq synaıdy.

Atap aıtar bolsaq, bapkerler ıÝlııa Galysheva, Anastasııa Gorodko, ıÝlııa Feklıstova, Anastasııa Larıonova, Pavel Kolmakov, Anton Bondarev, Fedor Býgakov, Denıs Rastrýbaǵa senim artyp otyr.

Atalǵan sportshylarǵa Elena Krýglyhına, Gennadıı Namerekov, Dmıtrıı Reıherd, Oleg Tsın jáne Konstantın Gorlachev bastaǵan bapkerler shtaby jetekshilik etpek.

Jarys baǵdarlamasyna mogýl, paralleldi mogýl jáne shańǵymen akrobatıka saıystary kirip otyr. Bul Almatyda ótetin altynshy álem kýbogy kezeńi bolmaq.

Oǵan Aýstralııa, Kanada, Qytaı, Frantsııa, Japonııa, AQSh jáne Qazaqstandy qosa alǵanda jalpy 18 elden 100-den astam sportshy qatyspaq.

Atalǵan Álem kýbogynyń kezeńderi 2026 jyly Mılan-Kortınoda ótetin Olımpıada oıyndaryna irikteý jarystarynyń qataryna kiredi. Sportshylar FIS upaılary úshin ǵana emes, Olımpıada lıtsenzııasyna qajet reıtıngtik upaılar úshin de kúresedi.

Aıta keteıik, Almatydaǵy «Shymbulaq» taý shańǵy kýrorty 2019 jyldan beri frıstaıldan álem kýbogynyń kezeńderin turaqty túrde ótkizip keledi.

Osyǵan deıin Bolgarııa astanasynda ótip jatqan bokstan halyqaralyq «Strandja kýboginiń» úshinshi jarys kúninde taǵy tórt burymdy boksshymyz kelesi kezeńge ótkeni týraly habarladyq.