Frıstaıl men snoýbordtan ÁCh: Qalmurzaeva men Aldabergenova úzdik ondyqta
ASTANA. QazAqparat- AQSh-tyń Park-Sıtı qalasynda frıstaıl men snoýbordtan ótip jatqan álem chempıonatynda qazaqstandyq Janbota Aldabergenova men Aqmarjan Qalmurzaevalar úzdik ondyqqa kirdi, dep habarlaıdy Olympic.kz.
Aldabergenova men Qalmurzaeva irikteý synynan irkilmeı ótip, úzdik 12 sportshynyń qatarynan kóringen. Bul olardyń fınaldyq básekede baq synaýyna múmkindik berdi.
Qalmurzaeva 78.88 upaımen segizinshi oryn ıelense, Aldabergenova 73.95 upaımen toǵyzynshy satyǵa kóterildi.
Al alǵashqy altylyqqa engen sportshylar álem chempıonatynyń júldelerin ózara sarapqa salýda.
Fınalda 103.11 upaı jınaǵan belorýssııalyq Aleksandra Romanovskaıa alda keledi.
Eske sala keteıik, Janbota Aldabergenova shańǵy akrobatıkasynan Sochı olımpıadasynda altynshy oryn ıelengen.
