Frıstaıl-akrobatıka: Dinmuhammed Raıymqulov Eýropa kýbogynda eki medal jeńip aldy

ASTANA. KAZINFORM - Aıroloda (Shveıtsarııa) frıstaıl-akrobatıkadan Eýropa kýbogy aıaqtaldy. Qazaqstandyq Dinmuhammed Raıymqulov bul jarysta eki medal jeńip aldy, habarlady Ulttyq olımpıadalyq komıtet.

Saıystyń birinshi kúninde Raıymqulov birinshi orynǵa bir qadam jetpeı qaldy. Ol ekinshi orynǵa ıe bolyp, tek Maksım Kýznetsovqa (Ýkraına) ǵana jol berdi.

Ekinshi kúni qazaqstandyq sportshy altyn medal jeńip aldy. Dinmuhammed sheshýshi kezeńde 96,58 upaı jınady.

Aıta keteıik, frıstaıl-akrobatıkadan álem chempıonatynda Qazaqstan quramasy 7-oryn aldy.