Frıdrıh Merts Ýkraınamen yntymaqtastyq josparyn jarııalady

ASTANA. KAZINFORM – Búgin Berlın qalasynda Germanııa kantsleri Frıdrıh Merts pen Ýkraına prezıdenti Vladımır Zelenskııdiń kezdesýi ótti, dep habarlaıdy Kazinform agenttiginiń menshikti tilshisi.

Nemis BAQ-tarynyń málimetinshe, jańa kantsler Germanııanyń Ýkraınaǵa áskerı jáne ekonomıkalyq salada qoldaýyn keńeıtýge nıetti ekenin rastady.

Mertstiń atap ótkendeı, kelissózder barysynda taraptar qorǵanys mınıstrleri qol qoıatyn birlesken deklaratsııadan bastalatyn «jańa formattaǵy áskerı-ónerkásiptik yntymaqtastyqty» talqylady.

Vladımır Zelenskıı Kıevke kelgeni úshin Frıdrıh Mertske alǵys aıtyp, Germanııaǵa áskerı kómegi úshin rızashylyǵyn bildirdi. Sonymen qatar ol Germanııa bıznes ókilderin Ýkraınany qalpyna keltirý protsesine belsendi qatysýǵa shaqyrdy.

Frıdrıh Merts óz kezeginde Ýkraınamen yntymaqtastyqtyń bes tarmaqtan turatyn josparyn usyndy. Negizgi baǵyttar qatarynda – bıylǵy jyldyń sońynan bastap Berlın men Kıev arasyndaǵy úkimetaralyq turaqty konsýltatsııalardy iske qosý, ekonomıkalyq áriptestikti tereńdetý jáne AQSh-tyń qatysýymen bitim ıdeıasyn ilgeriletý máselesi de bar.

Osyǵan deıin Eýroodaq kóshbasshylary Mertsti Germanııa kantsleri bolyp saılanýymen quttyqtaǵanyn jazǵanbyz.