Frıdrıh Merts Germanııa saıasatkerleri reıtınginde alǵash ret sońǵy orynǵa tústi
ASTANA. KAZINFORM – Germanııa kantsleri Frıdrıh Merts alǵash ret el saıasatkerleriniń tanymaldyq reıtınginde sońǵy orynǵa tústi, dep habarlaıdy Bild gazeti.
Bul týraly Bild gazetiniń tapsyrysy boıynsha INSA sotsıologııalyq ınstıtýty júrgizgen saýalnama nátıjeleri kórsetti.
Zertteý derekterine sáıkes, Merts 18-orynnan 20-orynǵa túsip, qazirgi tańda saýalnamadaǵy eń tanymal emes saıasatker atandy. Onyń kórsetkishi nebári 28,9 ball bolǵan.
Kantsler úshin ásirese óz elektoraty ishindegi qoldaýdyń tómendeýi alańdatarlyq jaıtqa aınaldy. HDS/HSS blogyn qoldaıtyn saılaýshylar arasynda da ol reıtıngtiń tómengi satysynda tur.
HDS/HSS jaqtastary arasynda Merts 55,1 ball jınap, besinshi orynǵa ǵana turaqtaǵan. Saýalnamaǵa qatysqandardyń tek 10%-y kantslerge oń baǵa bergen (8–10 ball), al 58%-y oǵan teris kózqaras bildirgen (0–4 ball).
Ony konservatorlardyń ózge de tanymal ókilderi, atap aıtqanda HSS basshysy Markýs Zeder, Soltústik Reın – Vestfalııa jeriniń premer-mınıstri Hendrık Vıýst jáne ishki ister mınıstri Aleksander Dobrındt basyp ozǵan. Máselen, Dobrındt 8-orynnan 6-orynǵa kóterilgen.
Saýalnama 24–27 sáýir aralyǵynda júrgizildi. Oǵan 2 010 adam qatysqan.
Aıta keteıik, buǵan deıingi saýlnama qorytyndysy germanııalyqtardyń 81%-y qoǵamdyq-saıası jańalyqtardy turaqty baqylap otyratynyn kórsetti.
