Frıdrıh Merts Germanııa kantsleri atandy

ASTANA. KAZINFORM — Búgingi kúnniń ekinshi jartysynda Býndestag saılaýdyń ekinshi týrynda Frıdrıh Mertsti federaldy kantsler etip saılady, dep habarlaıdy Kazinform tilshisi.

HDS jetekshisi 325 daýys jınap, kantsler bolyp taǵaıyndalý úshin qajetti 316 daýystan asyp tústi.

Birinshi týrda Merts nebári 310 daýys alǵan edi. Endi HDS/HSS jetekshisi úkimet basshysy bolady, al Germanııa Federatıvtik Respýblıkasynyń Mınıstrler kabıneti jumysqa kirisedi.

Úkimettik koalıtsııa parlamentte 12 oryndyq basymdyqqa ıe jáne F.Mertstiń «HDS», olardyń Bavarııadaǵy odaqtastary — Hrıstıan-áleýmettik odaq (HSS) jáne sotsıal-demokrattar (SDPG) partııalarynan quralǵan.

Buǵan deıin hrıstıan-demokratııalyq jáne hrıstıan-áleýmettik odaqtyń (HDO/HÁO) konservatıvti blogynan kandıdat Frıdrıh Merts Býndestagtaǵy daýys berýdiń birinshi týrynda kantsler bolyp saılaný úshin kópshilik daýys jınaı almaǵany belgili boldy.