Frıda Kalonyń sýreti Nıý-Iorktegi aýktsıonda rekord ornatty

ASTANA.KAZINFORM - Meksıkalyq sýretshi Frıda Kalonyń «Uıqy» atty avtoportreti Nıý-Iorktegi Sotheby's aýktsıonynda 54,7 mıllıon dollarǵa satyldy. Bul áıeldiń buryn-sońdy satylmaǵan kez kelgen sýreti úshin rekordtyq baǵa, dep habarlaıdy DW.

Satyp alýshynyń esimi jarııalanbady.

1940 jylǵy sýrette sýretshiniń tósekte uıyqtap, bulttar arasynda qalqyp júrgeni beınelengen. Al jarylǵysh zattarǵa oralǵan qańqa shatyrda jatyr. Sýret - Kalonyń Meksıkadan tys jerdegi jeke kollektsııada saqtalǵan birneshe týyndylarynyń biri. Onyń jumysy týǵan elinde ulttyq qazyna bolyp sanalady.

Áıel sýretiniń burynǵy rekordy 2014 jyldan beri amerıkalyq sýretshi Djordjııa O'Kıftiń «Gúl» kartınasynda bolǵan. 2014 jyly Sotheby's aýktsıonynda Datura gúli beınelengen sýret 44,4 mıllıon dollarǵa jańa ıesin tapty.

Frıda Kalo jumysynyń burynǵy eń joǵary baǵasy 34,9 mıllıon dollardy qurady. Bul 2021 jyly aýktsıonda sýretshiniń kúıeýi Dıego Rıveramen birge beınelengen «Dıego jáne men» kartınasy úshin tólengen baǵa edi.

Buǵan deıin Gýstav Klımttiń «Elızabet Ledererdiń portreti» aýktsıonda 236,4 mıllıon dollarǵa satylyp, qazirgi zamanǵy ónerdiń eń qymbat týyndysy atanǵany habarlanǵan.