Frensıs Bekonnyń týyndysy rekordtyq baǵaǵa satyldy
ASTANA. QazAqparat - Aǵylshyn sýretshisi Frensıs Bekonnyń «Sóılep turǵan Djordj Daıerdiń portreti» atty kartınasy Londondaǵy Christie's aýktsıon úıinde rekordtyq baǵaǵa, atap aıtqanda 42,1 mln.fýntqa (69,3 mln.dollar) satyldy, dep habarlaıdy segodnya.ua.
Associated Press basylymy jazǵandaı, atalǵan soma eýropalyq aýktsıon úılerinde buryn-sońdy kezdestirilmegen joǵary baǵa bolyp sanalady. Kartınanyń bastapqy quny 30 mln.fýnt (shamamen 50 mln.dollar) bolyp belgilengen edi.
Atalmysh kartına alǵash ret satylymǵa 1966 jyly (kartına salynǵan jyly) Parıjde qoıylǵan bolatyn. Onda Bekonnyń naqsúıeri Djordj Daıerdiń sóılep turǵan sáti somdalǵan.
