Frensıs Bekonnyń kartınasy 40 mıllıon dollarǵa baǵalandy
ASTANA. 7 sáýir. QazAqparat - 9 mamyrda Nıý-Iorkte ótetin Sotheby's aýktsıonyndaǵy qazirgi zaman óneri saýdasynda Frensıs Bekonnyń 1976 jyly salynǵan «Jazý jazyp otyrǵan adamnyń kóleńkesi» atty kartınasy 40 mıllıonǵa jýyq dollarǵa satylmaq.
Bul kartına 1977 jyldan beri jeke kollektsııada saqtalǵan. Sotheby's ókili, qazirgi zaman óneri bóliminiń basshysy Tobıas Maıer mundaı deńgeıdegi Bekonnyń kartınalary 2008 jyldan beri bolmaǵanyn málim etti. Sol kezde aǵylshyn ekspressıonısiniń «Trıptıh» kartınasy rekordtyq somaǵa - 86,2 mıllıon dollarǵa satylǵan bolatyn. «Trıptıhty» Roman Abramovıch satyp alypty.
The Guardian, basylymynyń atap ótýinshe, bul kartınadaǵy beıne sýretshiniń kóńildesi Djordj Daıerge uqsaıdy, ol 1971 jyly ózine qol salyp, kóz jumǵan bolatyn. Bekon oǵan birneshe jumystaryn arnaǵan edi. Al keıipkerdiń shashynyń túsi Bekondikindeı qara shashty bolyp shyqqan. Sóıtip, kartınada sýretshiniń de, onyń súıiktisiniń de beınesi kórinis tapqan.
Sotheby's aýktsıonynda Roı Lıhtenshteınniń «Uıqydaǵy qyz» polotnosy da satýǵa shyǵarylmaq, ol da 40 mıllıon dollarǵa baǵalanyp otyr.
