Freedom Support: kúshtik qurylymda qyzmet etip, qaza tapqandardyń balalaryna aı saıyn 200 myń teńge tólenedi
Alaıda, bul kúnniń negizgi máni – ár balanyń zańdy quqyqtaryn, sonyń ishinde ómir, densaýlyq, bilim, otbasylyq ál-aýqat, zorlyq-zombylyq pen qylmystan qorǵaý quqyǵy bolýy qajet.
Freedom Life saqtandyrý kompanııasy kúshtik qurylymdarda qyzmet etken jáne 2022 jyldyń qańtar aıynda qaza tapqandardyń balalaryna qandaı qoldaý kórsetip jatqanyn aıtty, dep habarlaıdy QazAqparat.
Merekelik is-sharalardan bólek, 1 maýsymda qoǵamnyń áleýmettik jaǵynan qorǵalmaǵan toptaryndaǵy balalarǵa kómektesý ádetke aınalǵan. Memlekettik jáne jeke qurylymdar mamandar kezdesýin ótkizedi, onda qoǵamdaǵy ózekti syn-qaterden qorǵaý jáne muqtaj jandarǵa kómek kórsetý máseleleri sheshiledi.
Freedom Life Ómirdi saqtandyrý kompanııasy 2022 jyldyń qańtar aıyndaǵy oqıǵalarda qaza tapqan quqyq qorǵaý organdary qyzmetkerleriniń balalaryn qoldaý máselesin sheshýge erekshe mán berdi. Olar óz ómirin qıyp, beıbit turǵyndardy tonaýshylar men terrorısterden qorǵady, al óz otbasylary asyraýshysyz qaldy.
«Qaza tapqan qaýipsizdik qyzmetkerleriniń balalaryna kómektesý maqsatynda Freedom Life kompanııasy Freedom Support erikti jedel annýıtettik saqtandyrý baǵdarlamasyn iske qosty. Qaıǵyly jaǵdaı bolǵan sátten bastap, kompanııa aı saıyn baǵdarlama boıynsha balalarǵa 200 000 teńgeden tóleıdi jáne balalar 18 jasqa tolǵanǵa deıin tólem júrgizýdi jalǵastyrady. Osy baǵdarlama boıynsha sharttardyń sońyna qaraı barlyq tólem somasy shamamen 400 mln teńgeni quraıdy. Kompanııa turaqty tólem jasaıtyn turǵyndar arasynda sábı kezinde áke qoldaýynan aıyrylǵan sábılerdiń analary bar, eń kishisi 3 aılyq balamen qalǵandar bar. 18 jasqa tolǵannan keıin Freedom Life sharttyń barlyq qoldanylý kezeńi úshin tóleıtin soma 42 600 000 teńgeni quraıdy», - dep túsindirdi Freedom Life saqtandyrý kompanııasy.
Kúsh qurylymdarynyń qyzmetkeri, 25 jasynda qaıtys bolǵan Ǵabdýlla Smaıylqanovtyń áıeli Nazym Smaıylqanova eki balasymen jesir qalǵan.
«Bizdiń eki balamyz bar, qyzymyz alty jasta, ulymyz bir jas, eki aıǵa toldy. Otbasymyzda qaıǵy-qasiret bolyp, endi ómir ońalmastaı bolyp kóringende saqtandyrý kompanııasynyń ókilderi qońyraý shaldy. Basynda mundaı úlken somada kómek alatynyma, balalar kámelet jasqa tolǵansha jyldar boıy tólenetinine senbedim. Keıinirek kompanııanyń qyzmetimen azdap tanysqanymda senýge bolatynyn túsindim. Kompanııa bizdiń balalarymyzdyń bolashaǵyna úmit beredi, ol úshin úlken alǵysymdy aıtamyn», - deıdi Nazym Smaıylqanova.
Taǵy bir qaıtys bolǵan polıtsııa leıtenanty Darhan Barǵanaevtyń jubaıy Jansaıa Barǵanaeva otbasynyń jalǵyz asyraýshysynan aıyrylǵanyn aıtty.
«Bizdiń de eki qyzymyz bar, úlkeni 3,5 jasta, kishisi – 2,2 jasta. Jubaıymnan aıyrylǵanda balalardy eshnársege muqtaj bolmaıtyndaı etip qalaı tárbıeleý kerektigin túsinbedim. Óıtkeni, bizdiń úıdegi basty asyraýshy kúıeýim edi. Kompanııa qyzmetkerleri bizge 200 myń teńgeden aı saıyn tólem jasaıtynyn aıtqanda kúıeýim qaıtys bolsa da, saqtandyrý kompanııasy arqyly qamqorlyǵyn toqtatpaǵanyn túsindim. Annýıtettik tólemder boıynsha osy jobany uıymdastyrǵan kompanııa basshylyǵyna alǵysymdy bildiremin. Árıne, aqsha bizdiń qaıǵymyzdyń ornyn toltyra almaıdy, biraq balalarymyzdyń bolashaǵyn qurýǵa kóp kómektesedi», - dedi Jansaıa Barǵanaeva.
«Ómirdi saqtandyrý kompanııasy kútpegen jáne qaıǵyly jaǵdaılarda ómirdiń tolyq qaýipsizdigine kepildik bere almaıdy. Biraq biz negizgi asyraýshysynan aıyrylǵan jaqyn týystarǵa qarjylyq qaýipsizdikti qamtamasyz ete alamyz. Máselen, qorǵansyz qalǵan kishkentaı balalary bar áıelder balalaryn tárbıelep, qajetti zattarmen qamtamasyz etýi kerek. Sondyqtan, biz óz tarapymyzdan balalardyń ómiri men densaýlyǵyn qarjylaı qorǵaýdy qamtamasyz etetin baǵdarlamany ázirlep, iske qostyq», - dep atap ótti Freedom Life ÓSK Basqarma tóraǵasy Azamat Erdesov.
