Freedom men QMA droptarǵa qarsy is-qımyldyń birlesken keısin usyndy
ASTANA. KAZINFORM – Digital Bridge halyqaralyq forýmy qarsańynda «Frıdom Bank Qazaqstan» AQ (budan ári – Freedom Banki) men Qazaqstan Respýblıkasynyń Qarjylyq monıtorıng agenttiginiń (budan ári – QMA) birlesken keısi tanystyryldy. Keıs QMA ádisnamasy men Freedom Bankiniń tehnologııalaryn– droptarǵa qarsy is-qımyl platformasy AI-Compliance-ty biriktirýdiń nátıjesi boldy.
Qazaqstan Prezıdenti Qasym-Jomart Toqaev óz sózderinde Qazaqstannyń qarjy sektoryndaǵy qaýipsizdik sharalaryn kúsheıtý jáne alaıaqtyqtyń aldyn alýdyń mańyzdylyǵyn birneshe ret atap ótken. Memleket basshysy zańsyz kapıtal áketilýi eldiń ekonomıkalyq qaýipsizdigine tikeleı qaýip tóndiretinin atap kórsetetinin aıta ketý kerek.
AI-Compliance tsıfrlyq sheshimin iske qosý jáne oǵan QMA-nyń ádisnamalyq negizin biriktirý arqasynda Freedom Banki drop jelilerin eń qysqa merzimde anyqtaı alady.
«Bul jaı ǵana banktiń ishki tehnologııalyq jobasy emes. Biz zardap shekkenderdiń aqshasy krıptovalıýtada túpkilikti joǵalyp ketpeı turyp, alaıaqtyq shemany toqtatýǵa tyrysatyn júıe qurdyq. Biz QMA-men birlesken jumysymyzdyń nátıjelerin naqty keısterde kórip te otyrmyz», – dep atap ótti Freedom Holding Corp. bas atqarýshy dırektory Tımýr Týrlov.
Jobany iske asyrý barysynda negizgi maqsat derekterdi óńdeýdiń jyldamdyǵy men aýqymy adamdardy alaıaqtardan qorǵaýdyń naqty quralyna aınalatyn pretsedentter qalyptastyrý boldy. Kúsh-jigerdi, muqııat pysyqtalǵan ádisnamany jáne tehnologııalardy tabysty biriktirý keısi eldegi qarjylyq qylmysqa qarsy kúrestiń logıkasyn túbegeıli ózgertedi.
«Negizgi mindet kúdikti operatsııalardy anyqtaý emes edi - naryqta mundaı sheshimder jetkilikti. Negizgi qıyndyq jyldamdyqta boldy: buǵan deıin droptardy anyqtaýǵa birneshe aı ketetin, al bir keısti qolmen taldaýdyń ózi shamamen bes saǵat ýaqytty talap etetin. Biz dáldikti joǵaltpaı, bul ýaqytty birneshe mınýtqa deıin qysqartýdy maqsat ettik. Nátıjesinde platforma árbir kúdikti keıs boıynsha materıaldardy ózi daıyndaıdy, alaıda túpkilikti sheshimdi árdaıym komplaens-ofıtser qabyldaıdy. Bul jerde jasandy ıntellekt adamdy almastyrmaıdy, kerisinshe oǵan sol ýaqyt ishinde birneshe ese kóp keısti óńdeýge múmkindik beredi», – dep atap ótti Freedom Bankiniń Dırektorlar keńesiniń múshesi Aıdos Jumaǵulov.
Osy jyldyń maýsym aıynda Tımýr Týrlov Janat Elımanovpen kezdesýi barysynda QR QMA men Freedom Holding Corp. arasynda yntymaqtastyq týraly memorandýmǵa qol qoıǵan bolatyn. Qujat qarjylyq monıtorıngtiń tsıfrlyq quraldaryn jetildirý, taldaý jáne táýekelge baǵdarlanǵan tásilderdi damytý, zamanaýı RegTech-sheshimderdi engizý, sondaı-aq osy saladaǵy mamandardyń biliktiligin arttyrýǵa baǵyttalǵan bilim berý jáne saraptamalyq bastamalardy iske asyrý boıynsha birlesken jumysty kózdeıtinin eske sala keteıik.
Aıta keteıik, droptar - qylmystyq jolmen alynǵan qarajatty shyǵarý úshin ózderiniń bank kartalaryn usynatyn tulǵalar.
