Freedom Life qoldaýymen uıymdastyrylǵan Ironman Astana halyqaralyq jarysy aıaqtaldy
Atap aıtqanda, IRONMAN saıysyna bıyl 1 200-den astam sportshy jınaldy. Osynyń arasynda 400-i shetelden kelgen.
Jalpy, eń jas qatysýshy 18-de bolsa, eń úlkeni - 76-da.
Іs-sharanyń saltanatty túrde ashylýyna Mádenıet jáne sport mınıstri Ashat Oralov, elorda ákiminiń orynbasary Erlan Bekmurzaev, «Freedom Life» kompanııasynyń dırektorlar keńesiniń múshesi Azamat Erdesov qatysty.
«Ironman jyl saıyn elorda tórinde uıymdastyrylyp kele jatyr. Osy jylǵy jarysqa 1 200 qatysýshy tirkelip, onyń 400-i shetelden kelgen. Ironman elimizde dástúrli túrde uıymdastyrylyp keledi jáne keler jyldary da osy jarysqa erekshe mán beriledi», - dedi Ashat Oralov.
Óz kezeginde Azamat Erdesov «Freedom Life» kompanııasy elordada ótip jatqan osy aıtýly jarystyń tıtýldy demeýshisi ekenin eske saldy.
«Freedom Life» sportshylardy, ıaǵnı barlyq atletti saqtandyrý mindetin óz moınyna alyp otyr. Sonymen qatar, kompanııanyń jeke komandasy bar. Biz Qazaqstanda da, elden tys jerlerde de kóptegen jarysqa qatysyp kelemiz. Sondyqtan bizde trıatlonǵa qatysyp júrgen qyzmetkerler barshylyq jáne osy dástúrdi ary qaraı jalǵastyrǵymyz keledi. Mundaı is-sharalar elimizde jyl saıyn jıi ótkizilip turýy kerek dep esepteımiz. Búgingi jarysty uıymdastyrýshylar birazdan beri jumys istep jatyr, sondaı-aq bizdiń qyzmetkerler de uıymdastyrýǵa kómektesti. Qaýipsizdiktiń tıisti talaptary eskerilgen. Búgin kún ystyq bolsa da, sportshylar úshin bul qalypty jaǵdaı. Óıtkeni olar ózderin osyǵan deıin shyńdap, tıisti daıyndyqtan ótip úlgerdi. Atap aıtqanda, jattyǵý men jarys aldyndaǵy daıyndyqtan ótkender ózderin senimdi sezinedi», - deıdi kompanııa ókili.
Osy is-sharaǵa oraı týrıster kóbine Úndistan, Germanııa, Polsha, Ulybrıtanııa, Italııa, AQSh, Shveıtsarııa sııaqty elderden kelgen.
«Freedom» kompanııasynda qyzmet etip júrgen Alekseı Maksımkın búgingi jarysqa tyńǵylyqty daıyndalyp kelgenin aıtty.
«Sportpen 11 jasymnan shuǵyldanyp kelemin. Osyǵan deıin biraz marafondarǵa qatystym. IRONMAN saıysyna alǵash kelip otyrmyn. Men osy is-sharaǵa úsh aı buryn Freedom-degi trıatlon komandasymen birge jattyǵa bastadym. Kúnde tańerteń júgirip, júzip, velosıped tebetinbiz. Kún raıyna qaramastan jumys aldynda tańǵy saǵat 6-7-de, kún jylynǵanda saǵat 5:30-da jattyǵýǵa kirisetinbiz. Jalpy, kez kelgen osyndaı buqaralyq start – bul qalanyń ózi úshin de, memleket úshin de, bıznes úshin de ınvestıtsııany, týrısterdi tartýǵa, sondaı-aq buqaralyq sportty damytýǵa jaqsy múmkindik», - dedi ol.
A. Maksımkınniń paıymynsha, Qazaqstanda osyndaı aýqymdy jarystardy uıymdastyrý jastar úshin jaqsy múmkindik.
«Bizdiń kompanııa bul sharanyń demeýshisi bolǵany óte jaqsy dep sanaımyn. Kez kelgen halyqaralyq jarys arqyly sportqa, týrızmge nazaryn aýdarýǵa, eldegi kórikti jerlerdi keńinen kórsetýge, ulttyq taǵam túrlerin sheteldikter arasynda tanytýda oń nátıje beredi dep oılaımyn. Mundaı aýqymdy jarystardy uıymdastyrý barlyq jaǵynan óte keremet sheshim sanaımyn», - dedi ol.
Onyń sózine qaraǵanda, Ironman 70.3 týrnıri Qazaqstannyń ımıdjine oń áser etedi. Jarysqa baılanysty qalada keıbir kóshelerde jol ýchaskeleriniń jabylýy avtokólikpen júretin turǵyndarǵa sál yńǵaısyz bolýy múmkin. Degenmen osyndaı úlken jarystar turǵyndar arasynda salaýatty ómir saltyn nasıhattaýǵa jaqsy múmkindik.
«Mundaı oqıǵa jylyna bir ret bolady. Turǵyndar bir kúnge bolsa da jappaı velosıpedke otyryp, otbasy múshelerimen demalyp, qalany aralap, sondaı-aq jarysqa qatysyp jatqan sportshylarǵa jankúıer bola alady. Bul óte jaqsy bastama dep oılaımyn», - dedi Alekseı Maksımkın.
Búgin týrnırge qatysqandar eki dıstantsııany tańdaý múmkindigin aldy: jartylaı (1,9 km júzý, 90 km velosıpedpen ótý, 21 km júgirý jáne tolyq (3,8 km júzý, 180 km velosıpedpen ótý, 42 km júgirý).
Erler arasynda birinshi bolyp ózbekstandyq Andreı Sharıpov (4 saǵ 10 mın) kelse, 2-orynnan qazaqstandyq Arsenıı Elıseev, 3-orynnan Qytaı sportshysy ıAlon Kaı kórindi.
Bıyl sýda júzý kezeńinde sportshylar jaqsy nátıje kórsetti. 1,9 shaqyrymdyq qashyqtyqty 27 mınýtta eńsergen Andreı qarsylasynan tórt mınýtqa ozyp ketti.
Qazaqstan sportshysy qytaılyq ıAlonnan 1,5 mınýtqa ilgeri keldi. Áıelder arasynda úzdik ýaqytty Polsha sportshysy Anna Andralovıch (4 saǵat 56 mınýt) kórsetti. Odan keıingi oryndardy Qazaqstan ókilderi Saltanat Qazybaeva (4 saǵat, 59 mınýt) men Aıda Esterekova (5 saǵat 6 mınýt) aldy.
«Búgingi jarysta biz tózimdilik pen jeńiske jetýge degen maqsattyń aıqyn kórinisin baıqadyq. Árbir sportshyny biz naǵyz batyr dep baǵalap otyrmyz», - dedi jarys dırektory Alekseı Sıdorenko.
Alǵashqy kelgen 30 qatysýshy 26-27 tamyzda Fınlıandııada ótetin VinFast IRONMAN 70.3 jarysynda «jarty» qashyqtyqta baq synaıdy.
Qazirgi ýaqytta «jarty» jáne «tolyq» qashyqtyq boıynsha jarysyp jatqandar qalǵan kezeńderdi eńserýde. Naqty nátıje erteń marapattaý rásiminde jarııalanady.
