Freedom Banki QR UB Antıfrod-ortalyǵynyń birden eki marapatyna ıe boldy
ASTANA. KAZINFORM – QR Ulttyq Banki Antıfrod-ortalyǵy Freedom bankti qatarynan ekinshi jyl marapattady — bul joly biz «Jyldyń antıfrod-seriktesi» jáne «Antıfrod-ortalyqtyń damýyna qosqan úlesi úshin» nomınatsııalarynda úzdik dep tanyldy.
Freedom Banki QR Ulttyq Bankiniń Antıfrod-ortalyǵynan birden eki marapatqa ıe boldy. Bıyl bank qarjylyq alaıaqtyqqa qarsy is-qımyl mehanızmderin qurýǵa jáne damytýǵa belsendi qatysqany úshin «Jyldyń antıfrod-seriktesi» jáne «Antıfrod-ortalyqtyń damýyna qosqan úlesi úshin» nomınatsııalarynda úzdik dep tanyldy.
Aıta keteıik, bıyl barlyǵy tórt nomınatsııa jarııalansa, sonyń ekeýin Freedom jeńip aldy. Osylaısha, bank qorjynyndaǵy Antıfrod-ortalyq marapattarynyń sany úshke jetip otyr. Eske sala ketsek, byltyr Freedom «Jyl qaıtarymy» atalymynda úzdik shyqqan bolatyn.
Marapattardy Central Asia Fintech Summit 2026 aıasynda ótken saltanatty rásimde Qazaqstan Respýblıkasy Ulttyq Banki Tóraǵasynyń orynbasary Bınur Jálenov, Qazaqstannyń Ulttyq tólem korporatsııasynyń Basqarma Tóraǵasy Janar Samaeva jáne Verigram kompanııasynyń negizin qalaýshy Asanáli Baıǵojın tabys etti.
«Bul marapattar biz úshin óte mańyzdy, sebebi olar klıentterdi qorǵaý júıemizdiń tek jekelegen jaǵdaılarda ǵana emes, júıeli túrde ári jan-jaqty jumys isteıtinin dáleldeıdi. Búginde bank ishindegi antıfrod — minez-qulyq taldaýyn, ML-modelderdi, jasandy ıntellekt, graftyq taldaý men jedel áreket etýdi qamtıtyn keshendi júıe. Biz klıentterdiń ádetten tys áreketterin erte bastan anyqtaý tehnologııalaryn erekshe damytyp jatyrmyz. Al graftyq taldaý ózara baılanystardy taýyp, alaıaqtyqtyń tutas tizbekterin áshkereleýge kómektesedi», — dep atap ótti Freedom Bank Dırektorlar keńesiniń múshesi Aıdos Jumaǵulov.
Bul marapattyń mańyzdylyǵyna Ulttyq tólem korporatsııasynyń Basqarma tóraǵasy Janar Samaeva da arnaıy toqtaldy.
«Qarjylyq alaıaqtyqqa pármendi tosqaýyl qoıý júıeli tásildi talap etedi: oǵan ortaq ınfraqurylym, jedel derek almasý jáne barlyq qatysýshynyń úılesimdi is-qımyly qatysty. Eki jyl ishinde Ulttyq antıfrod-ortalyq 270-ten astam uıymnyń basyn qosqan tıimdi dıalog alańyna aınaldy. Endigi meje — táýekelderdi áldeqaıda erte anyqtap, azamattarǵa qarjylyq zalal kelgenge deıin alaıaqtyq operatsııalardyń aldyn alatyn tetikterdi jetildirý. Al «Antifraud Awards» osy ortaq iske naqty úles qosyp júrgenderdiń eńbegin aıqyndaıdy».
QR UB Antıfrod-ortalyǵy týraly anyqtama:
QR UB Antıfrod-ortalyǵy - Qazaqstan Respýblıkasynyń Ulttyq Banki alaıaqtyq tranzaktsııalarǵa qarsy is-qımyl jasaý maqsatynda iske qosqan júıe. Onyń negizgi mindeti - kúdikti tranzaktsııalar týraly derekterdi jınaý jáne taldaý, alaıaqtyqty naqty ýaqyt rejıminde anyqtaý, buǵattaý jáne aldyn alý.
Freedom Banki týraly anyqtama
«Frıdom Bank Kazahstan» AQ - Qazaqstan aýmaǵynda Freedom brendimen qyzmet kórsetetin ınnovatsııalyq bank. Bank jeke jáne zańdy tulǵalarǵa tsıfrlyq qarjylyq ónimder men qyzmetter usynady. Bank ıpotekalyq qaryz alýdy, avtokredıt berýdi jáne bızneske arnalǵan kredıtterdi tsıfrlandyrdy. Sondaı-aq Qazaqstandaǵy alǵashqy ınvestor kartasy - INVEST CARD jáne basqa da birqatar tsıfrlyq kartalardy shyǵardy. Qazaqstannyń 20 qalasynda usynylǵan fılıaldyq jelisi bar. Bank qarjy qyzmetin, bólshek brokerlik operatsııalardy, baǵaly qaǵazdarmen saýdany, ınvestıtsııalyq-banktik jáne anderraıtıngtik qyzmetterdi júzege asyratyn Freedom Holding Corp holdınginiń bóligi bolyp tabylady. Búginde Holdıngtiń jaı aktsııalary Nasdaq Capital Market jáne Qazaqstan qor bırjasynda saýdalanady.
QR QNRDA-nyń banktik jáne ózge de operatsııalardy júzege asyrýǵa arnalǵan 07.07.2026j. № 1.1.551.129 ámbebap banktik lıtsenzııasy.
12.06.2024 j. berilgen №1.2.253/45 baǵaly qaǵazdar naryǵynda qyzmetti júzege asyrýǵa arnalǵan QNRDA lıtsenzııasy.
