Freedom Bank qytaılyq UnionPay Business kompanııasymen yntymaqtastyq týraly memorandýmǵa qol qoıdy
ASTANA. KAZINFORM – Qujatqa qol qoıý rásimi Qazaqstan Prezıdenti Qasym-Jomart Toqaevtyń Beıjińge sapary aıasynda ótken Qazaqstan-Qytaı Іskerlik keńesiniń kezekti otyrysynda ótti.
Freedom Bank pen UnionPay Business Qazaqstan men Qytaı arasyndaǵy shekaraaralyq elektrondy kommertsııany kóterme saýda salasynda damytýǵa, sondaı-aq eki el arasyndaǵy ekonomıkalyq jáne saýda baılanystaryn nyǵaıtýǵa baǵyttalǵan.
Qazaqstan-Qytaı Іskerlik keńesiniń otyrysynyń aldynda Prezıdent Toqaevtyń QHR tóraǵasy Sı Tszınpınmen kezdesýi ótti. Óz kezeginde, Qazaqstan kóshbasshysynyń Іskerlik keńes otyrysyna qatysýy is-sharanyń joǵary deńgeıin atap ótti jáne ekijaqty qarym-qatynastardyń damýyna qosymsha serpin berdi. Óz kezeginde, Qazaqstan kóshbasshysynyń Іskerlik keńes otyrysyna qatysýy is-sharanyń joǵary deńgeıin atap ótti jáne ekijaqty qarym-qatynastardyń damýyna qosymsha serpin berdi. Kezdesýge taraptardyń iri bıznes ókilderi de qatysty, olar jańa iskerlik baılanystardy ornatý jáne qoldanystaǵy iskerlik baılanystardy nyǵaıtý máselelerin, sondaı-aq ekonomıkanyń negizgi salalaryndaǵy yntymaqtastyq perspektıvalaryn talqylady.
Yntymaqtastyq týraly memorandým: Freedom Bank, UnionPay Business jáne Verum Payments Limited jeke kompanııasy arasynda úsh jaqty bolyp tabylady. Oǵan Freedom Bank Dırektorlar keńesiniń múshesi Aıdos Jumaǵulov, UnionPay Business Payment Co., ltd Hebei Branch bas dırektory Go Gýansın jáne Verum Payments Limited JK/ChK bas dırektory Rınat Berikbolov qol qoıdy.
Qol qoıýshylar Freedom Bank arqyly elektrondyq kommertsııa jáne tsıfrlyq ekonomıka salasynda Qytaı-Qazaqstan transshekaralyq esep aıyrysý júıesin qurý týraly kelisti.
Bul protsess «Sınhýa» aqparattyq agenttiginiń aldyńǵy qatarly salalardy taldaý ortalyǵynyń qoldaýymen jáne CITIC POLY FUND enshiles kompanııasynyń Polyking New Horizons Technology Industry Co., Ltd-nyń qarjylyq qoldaýymen júzege asyrylady.
Sonymen qatar, taraptar Qytaı men Qazaqstan arasyndaǵy transshekaralyq elektrondyq kommertsııany jáne kóterme saýda salasyndaǵy tólem operatsııalaryn belsendi damytýdy, sondaı-aq ekonomıkalyq jáne saýda baılanystaryn nyǵaıtýdy josparlap otyr.
Aıdos Jumaǵulov, Freedom Bank Dırektorlar keńesiniń múshesi:
Qol qoıylǵan qujattyń negizgi tarmaqtarynyń biri ınfraqurylymdy damytý jáne yntymaqtastyqty keńeıtý jónindegi birlesken is qımyl týraly kelisim boldy. Biz UnionPay Business-ke esep aıyrysý júıesin ázirleýge jáne engizýge, sondaı-aq onyń Ortalyq Azııa naryǵynda bolýyn nyǵaıtýǵa járdemdesetin bolamyz. Óz kezeginde, UnionPay Business Freedom Bank-ke tólem arnalaryn ashýda, tehnıkalyq qyzmetter kórsetýde jáne Qytaı bankterinde ıýan men AQSh dollarynda korrespondenttik shottar usynýda qoldaý kórsetedi. Bul Qazaqstan men Qytaı arasyndaǵy áriptestikti nyǵaıtýǵa jáne transshekaralyq esep aıyrysýlardy damytýǵa mańyzdy ári qajetti qadam.
Esterińizge sala keteıik, buǵan deıin Freedom Bank jáne UnionPay International UnionPay tólem kartalaryna ekvaırıngtik qyzmet kórsetýdi iske qosqan bolatyn. Endi UnionPay tólem kartalarynan taýarlar men qyzmetterge POS-termınaldar arqyly jáne Freedom Pay qyzmetine qosylǵan merchanttardyń saıttarynda aqy tóleýge bolady. Servıs Qazaqstanda da, odan tys jerlerde de shyǵarylǵan barlyq UnionPay kartalary úshin qoljetimdi.