Frantsýz kınojuldyzy densaýlyǵy týraly qaýesetti joqqa shyǵardy

ASTANA. KAZINFORM — Tanymal aktrısa Brıjıt Bardo densaýlyǵyna qatysty qaýesetterge senbeýge, kórermenderinen esh alańdamaýdy surady, dep habarlaıdy Kazinform agenttiginiń menshikti tilshisi.

Brıjıt Bardo qorynyń mátimetinshe, 91 jastaǵy frantsýz jáne álemdik kıno juldyzy «ózi úshin alańdaıtyndardy» sabyrǵa shaqyrýǵa tyrysty.

Frantsııada sońǵy kezderi Brıjıt Bardonyń densaýlyǵyna qatysty alyp-qashpa áńgime kóbeıip ketti. Aktrısa jalǵan aqparat taratqan jýrnalısterdi aıyptap, qazirgi ýaqytta saýyǵyp kele jatqanyn jáne jeke ómirine qurmetpen qaraýyn talap etti.

Dúısenbide Var-Matin basylymy frantsýz kınojuldyzynyń Týlondaǵy aýrýhanaǵa jatqyzylǵanyn habarlady.

Brıjıt Bardo 1970 jyldan bastap ózin janýarlardy qorǵaý isine arnaǵan. Ol sol ýaqyttan bastap kıno álemimen qosh aıtysty. Qazir aktrısa Sen-Trope kýrortyndaǵy (Frantsııanyń ońtústik-shyǵysyndaǵy) áıgili «La Madrague» rezıdentsııasy men ekinshi úıi «La Garrigue»-de turady. 

Eske salaıyq, bıyl mamyr aıynda frantsýz akteri Jerar Deparde 2021 jyly túsirilim alańynda eki áıelge zorlyq kórsetkeni úshin kináli dep tanyldy.