Frantsýz fermerleri Strasbýrgtegi Eýroparlament ǵımaratynyń aldynda ereýilge shyqty
ASTANA. KAZINFORM – Sársenbi kúni Eýroparlament ǵımaratynyń aldyna birneshe ondaǵan fermer jınalyp, MERKOSÝR elderimen kelisimge qatysty narazylyǵyn bildirdi, dep habarlaıdy Kazinform-nyń menshikti tilshisi.
Frantsýz fermerleri EO men MERKOSÝR elderi (Argentına, Brazılııa, Paragvaı, Ýrýgvaı jáne Venesýela, qaýymdasqan músheler retinde Bolıvııa, Chılı, Kolýmbııa, Ekvador jáne Perý) arasyndaǵy saýda kelisimin jasaýǵa qarsy shyqty.
Olardyń pikirinshe, Latyn Amerıkasy elderimen jasalǵan kelisim osy aımaqtan arzanyraq ónimdermen básekelestikke ushyraý múmkindigin eskere otyryp, olardy teńsiz jaǵdaıǵa túsiredi. Kelisim Ońtústik Amerıka elderinen et, taýyq etin jáne qantty ákelýdi jeńildetetin aýyl sharýashylyǵy ónimderine kedendik baj salyǵyn tómendetýdi qarastyrýda. EO men MERSOKÝR arasyndaǵy saýda kelissózderi jyl sońyna deıin aıaqtalady dep kútilip otyr.
Kúni boıy Eýroparlamenttiń birneshe depýtaty narazylyq tanytqan fermerlerdiń aldyna shyǵyp, olardyń ýájderin tyńdap, týyndaǵan máselelerdi sheshýge kómektesýge ýáde berdi.
Frantsııada fermerler ereýili 2024 jyldan beri jalǵasyp keledi.