Frantsýz fermeri quny 4 mlrd eýro bolatyn altyn arqaýyn tapty

ASTANA. KAZINFORM — Er adam bulaq boıymen kele jatyp, sýda jyltyr bir nárseni baıqaǵan. Sál qazǵan ol altyn aqraýyna tap boldy, dep habarlaıdy mirror.co.uk. 

Frantsýz fermeri Mıshel Dıýpon jerden aǵyp jatqan bulaq boıymen kele jatqanda sýdan altyn tapty. 150 tonna asyl metaldyń qory 4 mlrd eýroǵa baǵalanyp otyr. 

— Men ózimniń jer telimine josparly tekserý júrgizip jatyr edim. Sol kezde men birtúrli jarqyl kórdim. Tereńirek qazǵanymda, qolymdaǵy nársege sene almadym, — dedi sharýa. 

Frantsýz úkimeti dereý aralasyp, sharýanyń tapqan altynyn tárkiledi. Zań boıynsha ol memleket ıeligine ótýi kerek. Eger Dıýpon óz jerinde ken óndirýdi qalasa, ol úkimetten ruqsat alýy tıis.

Mıshel Dıýponnyń aıtýynsha, altyn keni ashylǵannan keıin onyń jeriniń aınalasyndaǵy aýmaqqa suranys kúrt ósken. 

Tabylǵan altyn kenishterine qatysty jergilikti halyqtyń pikiri ekige jaryldy. Keıbireýler osy mańaıdan asyl metaldy aýqymdy óndirý bastalsa, qorshaǵan ortaǵa zııanyn tıgizedi dep alańdaıdy. Basqalary jaǵdaıdy oń dep sanaıdy, óıtkeni bul jańa jumys oryndaryn ashýy múmkin.

Eske sala keteıik, buǵan deıin «Musylman baýyrlar» uıymy Frantsııada qaýipti dep tanylǵanyn jazǵan edik.