Frantsýz elektrondy mýzykasy ıÝNESKO-nyń materıaldyq emes mádenı murasyna aınalýy múmkin

ASTANA. KAZINFORM — Ózindik stılimen tanymal frantsýz elektrondy mýzykasy Frantsııanyń materıaldyq emes mádenı murasynyń Ulttyq tizilimine resmı túrde engizildi, dep habarlaıdy Kazinform menshikti tilshisi.

Bul sheshim ıÝNESKO-nyń Dúnıejúzilik mádenı mura mártebesin alýǵa jol ashady.

Materıaldyq emes mádenı mura tizilimi ıÝNESKO Konventsııasyna qatysýshy memleketterge qaýymdastyqtar óz mádenı murasynyń bir bóligi dep tanıtyn «tájirıbelerdi, uǵymdardy, kórinisterdi, bilim men daǵdylardy» tirkeýge múmkindik beredi. Olardyń qataryna mýzyka men qolónerden bastap, aspazdyq óner, ulttyq oıyndar men sport túrleri de kiredi.

Kóbine «frantsýz qoltańbasy» dep atalatyn bul janrǵa eldiń qosqan úlesi Daft Punk, Justice, Air, Cassius, Phoenix, Étienne de Crécy, M83 jáne Alan Braxe syndy toptar men oryndaýshylardyń aıryqsha týyndylarymen baılanysty.

nme.com saıtynyń málimetinshe, bul bastama janrdyń mádenı mańyzyn bekite otyryp, Jan-Mıshel Jarrdan bastap Daft Punk, Justice, Air, Cassius, Phoenix jáne ózge de álemdik juldyzdarǵa deıingi ańyzǵa aınalǵan esimderdiń eńbegin moıyndaýdy kózdeıdi.

Frantsııanyń Mádenıet mınıstri Rashıda Datı elektrondy mýzyka «ulttyq muradaǵy óz ornyn ádil túrde ıelendi» dep atap ótip, túngi klýbtarǵa «shyǵarmashylyq keńistikter» mártebesi berilgenin aıtty.

Frantsýz elektrondy stıliniń qalyptasýynda Jan-Mıshel Jarrdyń róli erekshe boldy. Onyń sıntezatorlarda jazylǵan Oxygène (1976) atty aspaptyq albomy naǵyz serpilis jasady. ıÝNESKO-nyń kóp jyldan bergi elshisi bolyp sanalatyn Jarr bul sheshimdi «tarıhı kezeń» dep baǵalady.

Budan buryn habarlanǵandaı, ıÝNESKO Ortalyq Azııa halyqtarynyń kıiz úıin materıaldyq emes mádenı mura tizimine qosty.

Sonymen qatar, Qyrǵyzdyń maksym ulttyq sýsyny ıÝNESKO-nyń mádenı emes mura tizimine endi.