Frantsııanyń jaǵalaýynda bes mıgrant qaza taýyp, 180-nen astamy qutqaryldy
ASTANA. KAZINFORM - Frantsııa bıliginiń habarlaýynsha, demalys kúnderi teńizde 180-nen astam adam qutqarylǵan, dep jazady Euronews.
Demalys kúnderi La-Mansh buǵazynda bes mıgrant qaza taýyp, 30-dan astamy qutqaryldy. Mıgranttardy Ulybrıtanııaǵa zańsyz tasymaldap kele jatqan qaıyq tolqyndar men sý tasqyny saldarynan jaǵalaýda aýdarylyp qaldy.
Qaza bolǵan tórt adamnyń denesi teńizden, taǵy bir adamnyń denesi Frantsııanyń Vımre kommýnasynyń jaǵalaýynan tabyldy. Frantsýz aqparat quraldarynyń habarlaýynsha, olar Sırııa nemese Irak azamattary.
La-Mansh jáne Soltústik teńiz prefektýrasynyń habarlaýynsha, demalys kúnderi barlyǵy 182 adamnyń qutqarylǵan.
Pas-de-Kale departamenti prefektiniń aıtýynsha, kontrabandashylar mıgranttar ómirin qaýipke ushyratyp otyr.
Le-Portel kommýnasynyń meri Olıve Barbarenniń pikirinshe, Pavrıj ben London buǵan bir sheshim tabýy kerek.
«Biz, merler, qatty abdyrap qaldyq. Biz munda jaǵdaıdy baqylaý, kıim-keshek jetkizý, qoǵam men memlekettiń yntymaǵyn kórsetý úshin júrmiz, biraq sahnanyń artynda múlde qaýqarsyzbyz. Meniń oıymsha, bizge Frantsııa men Anglııa arasyndaǵy sheshimderdi izdeýge týra keledi», - dedi O.Barbaren.
Bul 2024 jylǵy ólimge ákelgen alǵashqy oqıǵa. Ótken jyly La-Mansh arqyly Anglııaǵa zańsyz jolmen 29 437 mıgrant jetken (2022 jylmen salystyrǵanda 36%-ǵa az).
