Frantsııanyń tabıǵat tarıhy murajaıynan 600 myń eýronyń zattary urlandy

ASTANA. KAZINFORM – Dúısenbiden seısenbige qaraǵan túni Parıjdegi Ulttyq tabıǵat tarıhy murajaıy (MNHN) tonaldy. Actu17 portalynyń derekkózderge silteme jasap habarlaýynsha, shyǵyn 600 myń eýrony qurap otyr, dep jazady reseılik TASS.

Olar taratqan aqparatqa qaraǵanda, qaskóıler bul qylmysqa ábden daıyndalyp, 6 altyn quımany alyp ketken. Tergeýmen sot polıtsııasy brıgadasy aınalysyp jatyr.

Tamyz aıynda France Info radıosy MNHN-ge kıbershabýyl jasalyp, ol birneshe aptaǵa sozylǵany aıtylǵan bolatyn. Osyǵan baılanysty zertteýge qajetti onlaın quraldarmen jumys isteý jáne  kollekııalar boıynsha konsýltatsııalyq qyzmet kórsetý, kitaphananyń durys jumys isteýi múmkin bolmady.

Ulttyq tabıǵat tarıhy murajaıy iri ǵylymı-zertteý ortalyǵynyń quramyna kiredi. Oǵan birneshe murajaı, zerthana, kitaphana men parkter, Botanıkalyq baq pen Parıjdegi Venesen zoobaǵy qaraıdy.

Osyǵan deıin Napoleonnyń qylyshy Parıjdegi aýktsıonda 4,7 mıllıon eýroǵa satylǵany týraly jazdyq.