Frantsııanyń soltústiginde sý tasqynynan 1,5 myńǵa jýyq tutynýshy jaryqsyz qaldy

Frantsııanyń soltústigindegi Pa-de-Kale departamentinde sý tasqyny saldarynan 1,5 myńǵa jýyq adam elektr qýatynsyz otyr. Bul týraly Kazinform reseılik TASS agenttigine silteme jasap habarlaıdy.

«1 450 adam elektr jaryǵynsyz qaldy»,-delingen habarlamada.

Vedomstvonyń málimetinshe, 2,1 myń turǵyn aýyzsýdyń laılanýyna baılanysty sýdy shektep paıdalanyp otyr. Osyǵan baılanysty bılik ókilderi ydysqa quıylǵan sý taratyp jatyr.

Frantsııa ІІM-niń basshysy Jerald Darmanen sý tasqynynyń saldarymen kúresý úshin 120 qutqarýshyny jiberdi. Olar jumystaryna kiristi.

Pa-de-Kaleda keıingi kezde nóser jaýyn men bıik tolqyndardyń saldarynan sý tasqyny kóp bolyp jatyr.