Frantsııanyń ońtústiginde orman órti órshidi
ASTANA. KAZINFORM – Aptap ystyq saldarynan Frantsııanyń ońtústiginde orman órti órship tur. Órt qaýpi bastalǵaly beri 9 myń gektar aýmaq órtenip, ósimdikter joıyldy, dep habarlaıdy Euronews.
Іri orman órtteri Ero, Od jáne Býsh-dıý-Ron departamenti aýmaqtarynda tirkelgen.
Eń iri órt Ispanııamen shekaraǵa jaqyn jerde tutanyp, shamamen 900 gektar aýmaqty sharpyǵan. Apat aımaǵynda 800-den astam órt sóndirýshi jumys istep jatyr. Alaıda qatty jel men taýly-qyratty jer bederi órtti aýyzdyqtaýdy qıyndatyp, tehnıkalardy paıdalanýǵa múmkindik bermeı otyr.
Sonymen qatar Marsel mańynda eki iri órt oshaǵy paıda bolyp, jalpy 250 gektar aýmaqqa taralǵan. Sondaı-aq ońtústikte ornalasqan Ronıak eldi mekenindegi órt tolyqtaı baqylaýǵa alyndy. Onda 40 gektar orman janyp ketti.
Kann qalasy mańynda órt qaýpine baılanysty kempıngterden 2200 adam evakýatsııalandy. Órtti sóndirýge 250 órt sóndirýshi, arnaıy tehnıka, sondaı-aq Canadair ushaqtary men arnaıy tikushaqtar jumyldyrylǵan.
Órt eldiń soltústik-batysyndaǵy Fınıster óńirinde de tirkelip, ondaǵan gektar ormandy kúlge aınaldyrǵan.
Buǵan deıin Frantsııanyń ońtústigindegi alty departamentte aptap ystyq saldarynan orman órti qaýpi kúsheıip, eń joǵary – «qyzyl» qaýip deńgeıi jarııalanǵan bolatyn.
