Frantsııanyń Nıtstsa qalasynda qarýly shabýyldan 2 adam qaza taýyp, 5 adam jaralandy
ASTANA. KAZINFORM – Oqıǵa Nıtstsanyń Mýlen aýdanynda bolǵan. Shabýyl kezinde qaýipsizdik kúshteri men órt sóndirýshiler jedel túrde oqıǵa ornyna jetip, aýdannyń qaýipsizdigin qamtamasyz etken, dep habarlaıdy Anadoly.
Bul týraly Prımorlyq Alp prefektýrasynyń X áleýmettik jelisindegi resmı paraqshasynda habarlandy.
Málimetke sáıkes, oqıǵa Nıtstsanyń Mýlen aýdanynda bolǵan. Shabýyl kezinde qaýipsizdik kúshteri men órt sóndirýshiler jedel túrde oqıǵa ornyna jetip, aýdannyń qaýipsizdigin qamtamasyz etken.
Aldyn ala aqparat boıynsha, jaralanǵandardyń ekeýiniń jaǵdaıy aýyr.
Prımorlyq Alp departamentiniń gýbernatory Loran Otto oqıǵa ornyna baryp, bul áreketti aıyptady. Іshki ister mınıstri Brýno Retaıonyń tapsyrmasymen aımaqqa qosymsha qaýipsizdik kúshteri jiberiletin boldy.
Loran Otto qaýipsizdik qyzmetkerleri men jedel járdem brıgadalaryna jyldam áreketi úshin alǵys bildirdi.
BFMTV telearnasynyń habarlaýynsha, oqıǵa boıynsha «uıymdasqan qylmystyq top jasaǵan qasaqana kisi óltirý jáne kisi óltirýge áreket etý» baby boıynsha tergeý bastalǵan.
Aıta ketelik Frantsııada myńdaǵan adam bıýdjetti únemdeý sharalaryna qarsy shyqqan edi.